كيكة الفليك

المكونات:

2 كاسة حليب، 2كاسة زيت، نص كاسة سكر، 4 ملاعق كاكاو، 4 بيضات، فانيلا، 3.5 كاسة طحين، 4 باكنج باودر، علبة قشطة، باكيت كريما، شوكولاتة فليك.

الطريقة:

أول شي بتحطي 2كاسة حليب ونص كاسة سكر و4 ملاعق كاكاو و2كاسة زيت و 4 بيضات وبتخلطيهم مع بعض بالخلاط، وبتضيفي الفانيلا، وبعدها بنخل الطحين وللوجه علبة قشطة مع بكيت كريما وفليك واذا بدك اللون اغمق زيدي الفليك.

وصحة وهنا....

كيكة البرتقال

الطريقة والمقادير:

4 كاسات طحين و2 كاستين سكر وكاسة زيت و4 بيض و4 فانيلا و4 ملاعق بيكنج باودر وحبتين موز وكاسة عصير ونص حبة برتقال كبيرة أول اشي بنخفق البيض والفانيلا ومن ثم السكر والزيت وكلهم مع بعض وبنحط الموز والبرتقال ومن ثم الطحين والعصير بالتدريج واذا حسيتي العجين سميك ضيفي عصير ومن ثم البيكنج باودر.

صحة وهنا

كيكة الفراولة

الطريقة والمقادير:

أول اشي 4 بيضات مع 4 فانيلا بتخفقيهم وبعدين كاسة سكر وشوي مع 3 ارباع كاسة زيت وبعدين بتكوني منخلة كاستين طحين مع نص كاسة كاكاو و 4 بيكنج باودر ورشة ملح بتصيري تحطيهم بالتدريج على خليط البيض والسكر والزيت وبتحطي معهم كاسة حليب وبعدين عالفرن وبعد ما تستوي بتقسميها طبعا بعد ما تبرد وبتكوني محضرة الكريما الجاهزة وبتدهنيها بالنص وبتحطي الفراولة ومن فوق دهنتها كاستر جاهز أو شوكلا حسب المتوفر .

صحة وهنا

كيكة الفراشة

المكونات:

4 بيضات و4 كاسات طحين وكاستين سكر وكاستين حليب وكاستين زيت وكاسة كاكاو و4 معالق بيكنج باودر و4 معالق فانيلا وربع معلقة كربونة 

الطريقة:

بنحط بالخلاط السكر والحليب والزيت والكاكاو مع بعض وبس يمتزجو بنشيل على جنب 3 ارباع الكاسة من الصوص

وبعدها بنضيف البيض والفانيلا

وبعدها الطحين والبيكنج باودر والفانيلا

بنحطها بالفرن تقريبا بدها 45 د

وبعد ما تطلع وتبرد

بنشكل الفراشة

بنقطع الكيكة من النص

وبنقلبهم مقابل بعض وبنعمل من الجنب الجناح بالسكين والزينة من الصوص الي شلناه بندهن في الكيكة، و الصوص الي شلناه بنذوب معاه شوكلاته جالاكسي

وصحتين وعافية

حلا دوار الشمس

المقادير :

الطبقة الأولى: علبة بسكوت شاي مطحون، اصبع زبدة لين.

 الطبقة الثانية: 2 علبة زبادي، 7 فناجين قهوة صغير حليب بودر، 3 فناجين قهوة سكر.

 الطبقة الثالثة :بسكويت أوريو.

 الطبقة الرابعة 2كاس ماء، 2 ظرف كريم كراميل، نصف ملعقة صغيرة نسكافيه.

الطريقة:

نبس البسكويت بالزبدة ونضعه في أرضية القالب ونرصه جيدا ومن ثم في الخلاط جميع مقادير الطبقة الثانية ونضعها فوق طبقة البسكويت ومن ثم في الفرن من فوق قليلا من الوقت حتى تجمد نرص حبات الأويو على وجه الطبقة البيضاء فور خروجها من الفرن ,,,,, نغلي كاستين ماء ثم نضع عليهم كيسين كريم كراميل ونحرك سريعا ونطفي النار ونتركه دقيقتين ثم نصبه وجه الأوريو ثم بالثلاجة لمدة ساعتين.

     <وكل ما طوولت بالثلاجة بتصير بسكوتة الاوريو أطرى وأزكى وصحتين وعافية>.

السينابون

المكونات:

كاسة ونص حليب وربع كاسة زيت وأربع معالق زبدة و4 معالق سكر

ملعقة فانيلا،و5 كاسات طحين وملعقة بيكنج باودر ومعلقتين خميرة فورية

وبيضة ، وحليب مكثف وزبدة وفستق حلبي وجوز

الطريقة:

1. بنحط كاسة ونص حليب وربع كاسة زيت وأربع معالق زبدة و4 معالق سكروملعقة فانيلا على الغاز ليدفو مع بعض.
2.  بنخل 5 كاسات طحين وملعقة بيكنج باودر.
3. بنضيف معلقتين خميرة فورية وبيضة وبعدها بنعنجهم مع الخليط الأول وبنتركهم 10 دقايق ليخمرو
4. وبعدين بنفرد العجينة وبندهنها بالزبدة وبنرش سكروقرفة وبنقطعها وبنلفها.
5. بنحطها بالفرن وبس تطلع بنزينها بحليب مكثف وجوزوفستق حلبي